CAGAYAN DE ORO CITY, Philippines – Makaabot sunod bulan ang pinal nga batch sa automated counting machines (ACMs) gikan sa Busan, South Korea.
Namahayag ang Commission on Elections (Comelec) anaa na sulod sa pasilidad sa Busan New Port Complex ang mga ACMs ug sinaksihan sa mga opisyal sa poll body ang pagselyo sa cargo storage hangtud sa pagsulod sa mga ekipo sa dagkung containers.
Namahayag ng ahensya nga duha ka mga containers ang gisudlan sa 1000 ka karton sa ACM kits nga kasamtangang nahimutang sa CJ BND Logistics Center sa Busan New Port Complex.
Ang final batch sa ACM kits gitakdang muabot sa container terminal sa Nobyembre 3, ug ang nahibiling duha ka cargo container gilauman nga makaabot sa container port sa Nobyembre 4 ayha mubiyahe sa Pilipinas.
Kahinumduman nga niadtong Oktobre 30, miingon ang Comelec nga ang nahuman na sa Miru Systems Joint Venture, ang service provider s17-billion pesos project, ang produksiyon sa 110,620 machines ug paraphernalias sulod sa Miru Plant sa South Korea.
Gamiton kining mga ACMs alang sa automaed election sa BARMM Parliamentary ug May 12 2025 midterm elections sa Pilipinas.
