Misaka pa sa 58 ka barangay sa Bohol ang naigo sa African Swine Fever (ASF). Kini nga sakit maoy hinungdan sa pagkamatay sa daghang baboy sa Maribojoc, Sevilla, Ubay, Getafe, Buenavista, Talibon, Trinidad, Dagohoy, Bien Unido, Inabanga, Sagbayan, Catigbian, Tubigon, Sikatuna, Balilihan, Alburquerque, Calape, ug Dauis. Ang pinakabag-ong kaso nakita sa Maribojoc, diin walo ka barangay ang naapektuhan human ang usa ka hog grower wala makareport sa sintomas ug nagpadayon sa pagbaligya sa karne sa silingang komunidad. Sa Sevilla, duha ka barangay ang kumpirmado nga adunay ASF, ug nagbutang na sa mga checkpoint aron malikayan ang pagkatag sa virus.
Ang probinsya nagpatuman sa mga lakang sama sa moratorium sa “boar-for-hire” ug pag-undang sa culling sa mga baboy nga positibo sa ASF aron mapugngan ang krisis. Ang ASF outbreak sa Bohol usa ka dakong hulga sa P6-bilyon nga industriya sa baboy sa probinsya, ug padayon ang paningkamot sa lokal nga gobyerno aron masalbar ang panginabuhian sa mga mag-uuma. Ang ASF, usa ka nananakog ug nakapamatay nga sakit sa mga baboy nga bayrus ang hinungdan. Dili kini makatakod sa tawo, apan grabe ang epekto niini sa industriya sa baboy.
Una kini natala sa Pilipinas niadtong 2019, ug sukad niadto, daghang mga probinsya ang naapektuhan, hinungdan sa pagsaka sa presyo sa karne ug pagkawala sa kita sa mga mag-uuma.
Sintomas sa ASF sa baboy:
- Taa nga lagnat
- Walay gana sa pagkaon
- Pagpamula sa mga samad ug pamanit
- Pagtae-ate ug pagsuka-suka
- Magsigeg katulog ug dili katindog
WALA PA GI-RELEASE SA DEPARTMENT OF AGRICULTURE ANG BAKUNA NGA MUPAKUSOG SA MGA BABOY ARON DILI MAIGO SA ASF
