Gikoronahan isip bag-ong Miss Universe Philippines si Ahtisa Manalo sa Quezon Province.
Gipildi ni Manalo ang 65 ka mga kandidata nga nag-ilog sa korona sa coronation night sa Mall of Asia sa lungsod sa Pasay.
Gipasa ni Miss Universe Philippines 2024 ug Miss Universe Asia Chelsea Manalo ang “La Mer en Majesté” crown kang Manalo.
Sa pinal nga Question and Answer Portion, nabunot ni Manalo ang pangutana nga kung unsang panghitabo sa iyang kinabuhi iyang napakita ang maayong epekto sa usa ka lider, nga nangulo pinaagi sa pagpakita sa maayong taras.
QUESTION: “They say that a good leader leads by example. Tell us about one event in your life when you lived by example and the impact it made?”
Ang tubag ni Ahtisa:
ANSWER: “I fell a while ago on stage. The thing with me is, whenever I fall in life, I always make sure I come back stronger. Last year, I was here on this stage, and for the second time this year, I’m here putting everything on this stage to be Miss Universe Philippines, because this is mine and my grandmother’s shared dream, and she passed away early this year. This is my ode to her.”
Ang iyang determinado ug emosyonal nga tubag nakakuha og dakong suporta gikan sa mga manan-aw ug hurado, nga nagdala kaniya sa korona isip Miss Universe Philippines 2025.
Bisan wala gi-anunsyo sa pageant night, napili isip 1st Runner-up si Teresita Ssen Wynwyn Marquez sa Muntinlupa City.
Samtang second runner up si Yllana Adanua sa Siniloan, sa Laguna.
Gikoronahan isip Miss Supranational Philippines si Katrina Llegado sa Taguig City, samtang si Gabriella Carballo sa Cebu City ang mihupot sa korona sa Miss Eco International Philippines ug si Chelsea Fernandez sa Sultan Kudarat ang nakoronahan isip Miss Cosmo Philippines.
Si Manalo maoy murepresentar sa Miss Universe 2025 nga himoon sa Bangkok, Thailand sa umalabot Nobyembre 21.
