Sulod na sa quarterfinals sa Dubai Tennis Championship ang Pinay tennis star nga si Alex Eala.
Kini human gipukan ni Eala si Sorana Cirstea sa score nga 7-5, 6-4.
Ang 20-anyos nga pinay mihuman sa dula kontra sa World number 32 nga Romanian player sulod lang sa usa ka oras ug 38 minutos.
Sa unang round, nakalabaw pa si Cirstea sa 4-5 apan wala mosurender si Eala hangtod nga nakontrol niya ang dula.
Pag-abot sa ikaduhang set, gidala gihapon ni Eala ang momentum ug hingpit nga napildi si Cirstea.
Nagpasalamat usab siya sa mga fans nga nanan-aw sa dula nga naghatag kaniya sa dugang kusog.
Sunod niyang maka-atubang mao ang World number 4 nga si Coco Gauff sa quarterfinals.
