Wala na makalahutay ang Pinay tennis star nga si Alex Eala batok sa world number 4 nga si Coco Gauff sa quarterfinals sa Dubai Open Championships.
Nakab-ot sa American tennis star ang kadaugan sa iskor nga 6-0, 6-2 ug natapos ang kampanya ni Eala sa maong torneo.
Sa pagsugod pa lang sa dula, klaro na nga gidominar sa American tennis star ang match-up kun diin natapos niya ang unang set nga wala pa’y 30 minutos.
Ang Dubai Tennis Championships mao na ang ika-unom nga torneo nga giapilan ni Eala karong tuiga.
Pagkahuman sa Dubai tennis, molarga si Eala padulong sa US aron moapil sa Wells Open o BNP Paribas Open sa California nga magsugod gikan Marso 4 hangtod 15.
Mobalik usab siya sa Miami Open nga magsugod sa Marso 17 hangtod 29.
