Abante na sa finals si Pinay Tennis Sensation Alex Eala.
Gitakda kining makigbatok kang Panna Udvardy sa finals sa Guadalajara 125 Open sa Mexico karong Domingo, Setyembre 7, 2025 (oras sa Pilipinas).
Human sa usa ka impresibong kadaugan batok kang Kayla Day sa semifinals, si Eala mosulay’g panimalos kang Udvardy nga mi-pilde kaniya sa ikaduhang hugna sa Oeiras Ladies Open sa Portugal niadtong Abril 2025.
Ang dula sa finals usa ka dakong higayon para kang Eala nga makadaug sa iyang unang WTA Challenger title ug makadugang og puntos sa iyang ranggo sa WTA.
