CAGAYAN DE ORO CITY – Gilusad sa kapolisan ang follow-up operation sa kapolisan kon matuod ba nga miyembro sa Philippine Military Intelligence Group ang usa ka amahan nga gi-akusahan nga milugos sa makadaghang higayon sa iyang 13 anyos nga anak sa Brgy. Puerto ning syudad.
Gibutyag ni Police Capt. Mario Mantala, hepe sa Puerto Police Station nga nagpakitabang sa ilang istasyon ang iyang menor de edad nga anak tungod kay gikan pa sa 8-anyos siya gihilabtan sa iyang amahan.
Hinoon sa pagmanhunt sa suspek, gilayon kining misurender sa mga otoridad ug mi-angkon sa iyang salaod.
Gibutyag sa suspek nga si Glenn nga tulo ka higayon sulod sa usa ka semana niya hilabtan sa kama ang iyang 13 anyos nga anak.
Mi-angkon ang suspek nga gakatintal siya sa lawas sa iyang anak, bunga sa kamingaw sa iyang kapikas nga tua na sa gawas sa nasud nanarbaho.
Bulag ang suspek ug iyang kapikas ug gihimo niyang sexual partner ug iyang kaugalingong anak.
Narekober sa iyang posisyon iyang ID isip sakop sa PMIG, kalibre 375, lima ka bala, ug cellphone nga nabulit sa hubo nga mga hulagway sa iyang anak.
Mag-atubang ang suspek sa multiple rape case.
Hinoon, nangayog pasaylo ang amahan sa iyang anak.
