“Unconstitutional” o nakalapas sa balaod ang senate bill no. 1200 o giila nga Drug-Free Government Act, nga iya ni Senador Robinhood Padilla.
Gibutyag ni Palace Press Officer Atty Claire Castro nga na mas maayo unta nga gi-rebyu sa senador ang iyang sugyot kay tataw nga dili mahimong pugson ang tanan opisyal sa gobyerno nga ipa-ubos sa drugtest kay nakalapas kini sa pribasiya sa tawo ug due process.
Maoy gibasihan ni Castro ang ruling sa korte sa “social justice society versus dangerous drugs board 2008”, kundiin, dili pwede nga adunay ipatuman nga “universal drug testing”.
Hisayran nga ubos sa SB 1200 ni Padilla, himoon tinuig ang drugtesting sa tanan elected officials lakip na ang presidente sa Pilipinas, kundiin BUHOK o Hair follicle drug test ang gamiton para sa initial screening, ug urine drug test para sa confirmatory testing.
Mulusad usab sa Voluntary random drug testing alang sa mga kandidato sa eleksyon sulod sa 90 ka adlaw sa wala pa ang Election Day.
Segun sa sugyot nga ang mga opisyal nga mapamatud-an nga positibo sa illegal drugs mahimong suspensohon o tanggalon sa serbisyo
