CAGAYAN DE ORO CITY– Patay ang usa ka babaye human ma-hit-and-run sa Alubijid Misamis Oriental.
Base sa report ni Police Capt. Lister Ceriales, hepe sa Alubijid Municipal Police Station nga wala silay nakuhang identipikasyon sa biktima.
Una niini, gibiyaan sa dalan ang biktima nga nagkadugo, ug naka-angkon sa pagkabu-ak sa ulo human giligsan sa usa ka Toyota Fortuner, sa Brgy Loguilo.
Samtang sa pakighinabi sa Bombo Radyo kang Police Lt. Princess Velarde, ang spokesperson sa Misamis Oriental Police Regional Office 10, iyang gibutyag nga gibana-bana nga nagpangidad sa kapin 25 anyos ang biktima ug 5 feet ang height.
Nagsul-ob kinig kolor itom nga T-shirt ug short pants.
Gitawagan ni Lt. Velarde ang mga kabanay nga nawad-an sa ilang miyembro sa pamilya nga sil-ipon ang patay’ng lawas nga nakahaya sa Agrida Funeral Parlor sa susamang dapit.
