CAGAYAN DE ORO CITY, Philippines – Nahimong nang bagyo ang LPA nga gibantayan sa Bombo Weather Center, sulod sa 24 Oras.
Kagahapon sa hapon, giisa sa government weather bureau ang Tropical Cyclone Wind Signal no. 2 sa tolo ka lugar sa Luzon tungod sa Tropical Storm Enteng.
Kini gilangkoban sa Eastern portion sa Camarines Sur, Catanduanes, ug Eastern portion sa Isabela.
Samtang sulod sa Signal no. 1 ang mga lugar sa Eastern portion sa Cagayan lakip ang Babuyan Islands, Eastern ug central portions sa Isabela, Eastern ug Southern portions sa Quirino, Aurora, Northern ug southern portion sa Quezon lakip ang Polillo Islands, Camarines Norte, ubang bahin sa Camarines Sur, Albay, Sorsogon, ug Masbate lakip ang Ticao and Burias Islands, sa Luzon.
Signal no. 1 gihapon ang mga lugar sa Visayas nga gilangkoban sa Northern Samar, Samar, Eastern Samar, Biliran, ug ang Northeastern portion sa Leyte.
Ang mata sa bagyo ulahing nasiplatan sa kabaybayunan sa Bagamanoc, Catanduanes. Naglihok kini sa gipaspason nga muabot sa 15 km/h padulong sa Amihanan-Kasadpang direksyon.
Ang pinakakusog nga dala nga hangin sa bagyo o Maximum sustained winds muabot sa 65 km/h duol sa mata ug paghaguros nga muabot sa 80 km/h.
Sa adlaw’ng Huwebes o Setymebre 5, gibana-bana kining mugawas sa Philippine Area of Responsibility (PAR)
