CAGAYAN DE ORO CITY – Naghikog patay ang usa ka balot vendor human gibiyaan sa iyang kapikas sa Brgy. Lumbia ning syudad kaganinang kadlawon.
Giila sa Lumbia Police Station ang biktima nga si Jupiter Depende, 36, minyo, ug residente sa sitio Dumahon sa maong barangay.
Mismo ang mga kauban sa balay sa biktima ang nakadiskobre sa iyang lawas nga nagbitay sulod sa iyang lawak.
Pisi sa manok ang gigamit sa biktima sa paghikog.
Una niini, gitoohan nga mibatig depresyon ang biktima human gikuha kaniya ang kustodiya sa iyang duha ka mga anak.
Bisan ang mga pulis nagtoo nga walay foul play nga nahitabo sa kamatayon sa balot vendor.
