Pormal nang gisang-at sa Bureau of Internal Revenue (BIR) ang reklamo batok sa 23 ka korporasyon ug 17 ka Certified Public Accountants (CPA) tungod sa kasong tax evasion nga nagkantidad og ₱1.41 bilyon.
Namahayag si BIR Commissioner Romeo D. Lumagui Jr., nga napasaka ang kaso human migamit ug mipalit sa “ghost receipts” ang mga kompanya aron mukunhod ang ilang i-report nga kita ug malikayan ang hustong pagbayad sa buluwisan.
Gibutyag ni Lumagui nga lakip sa ilang gikasuhan ang mga kakunsabo nga mga CPA kay sila man ang midoktor ug mi peke sa mga financial reports.
Gi-rebyu na sa Department of Justice (DOJ) ang mga ebidensya aron tukion kung angay tukion ang kaso sa korte. Gipasabot sa BIR nga tax evasion ang atubangon sa mga patigayon kung mugamit sila sa ghost receipts.
