CAGAYAN DE ORO CITY – Gihimakak ni Edmer Saballero nga dunay na stranded sa Balingoan Port, karong buntag.
Miingon ang Balingoan Port Manager nga naka larga na ang unang batch sa mga pasahero alas 4 ang takna sa buntag.
Hinoon, kagahapon, Setyembre 13, misaka sa 110 ka pasahero ang na stranded sa Binoni Port of Camiguin ug sa Balingoan.
Kung mahinumduman, magpalugwa sa gale warning ang PAG-ASA alas 11 ang takna sa buntag, gahapon tungod sa dagkung balod epekto sa enhanced Habagabat sa Western ug Easter seaboard sa Northern Mindanao.
Sa pagkakaron, upat ra sa pito ka “roro” vessel ang gabiyahe sa duha ka pantalan, tungod kay under maintenance ang uban salakayang-pandagat.
Gitin-aw ni Saballero nga bisan unsang oras ning adlawa mahimo silag kabag-uhan sa abiso base sa ihatag kanila nga storm warning gikan sa PAG-ASA.
Si Luz Mercado, weather specialist sa PAG-ASA el Salvador City, miingon nga maoy naka-apekto sa daghang pag-ulan sa Pilipinas ang Tropical Depression Marilyn nga nakasulod na sa area of responsilibilty sa nasud.
Gitin-aw ni Mercado nga walay tsansa maglandfall ang bagyo apan magdala kinig kusog nga hangin ug pag-ulan sa Northern Mindanao, BARMM, Zamboanga City, Visayas ug pipilang bahin sa National Capital Region (NCR).
