CAGAYAN DE ORO CITY, Philippines – Masaligon si US Secretary of State Antony Blinken nga makombinsir sa Arab Nation ang grupong Hamas nga mupatuman sa ilang kaugalingon ug sensiro nga ceasefire sa Gaza.
Kagahapon, linawas nga gihinabi ni Blinken ang kadagkuan sa Qatar, Ehipto ug Jordan aron susihon ang ilang lakang sa pagsuporta sa misyon sa Estadus Unidos nga mapahupay sa dyutay ang gubat sulod sa Gaza.
Unang nakig-meeting kang Blinken si President El-Sisi sa Cairo Egypt.
Ang tolo ka nasud maoy nagsilbing mediator aron makab-ot ang dugay nang gipangandoy nga ceasefire tali Israel ug Hamas.
Kahinumduman nga mibisita si Blinken sa Israel ug nahinabi si Prime Minister Benjamin Netanyahu.
Gidawat ni Netanyahu ang sugyot sa ceasefire ug naghulat pa ang top diplomat sa Amerika kung mupatuman usab sa kaugalingong ceasefire ang pundok sa Hamas sulod sa Gaza Strip.
Kung mapatuman ang ceasefire, lakip sa ipatuman ang pagbuhi sa mga nahibiling bihag nga anaa sa kamot sa mga militante ug temporaryong pagbiya sa Israeli Forces sa Gaza.
