CAGAYAN DE ORO CITY – (update) Tolo ka tawo ang nadamay sa shooting incident sa fiesta celebration sa Brgy. Locus, Sapang Dalaga Misamis Occidental niadtong Agosto 28, ning tuiga.
Kini ang gibutyag sa Police Regional Office 10 human ilang gilusad ang imbestigasyon sa pagpatay kang Barangay Locus Chairman Rodrick Malazarte.
Si PRO-10 Spokesperson Police Lt. Col Mardi Hortillosa miingon nga labing bata nga na-angol sa pagpamusil mao ang 6-anyos nga batang lalaki nga igo ra mitan-aw sa sundayag sa maong dapit.
Hinoon, anaa na sa luwas nga kahimtang mga tolo ka samaron.
Hangtud karon blangko pa ang mga otoridad sa identidad sa gunman ilabe na nga walay CCTV camera nga gimuntar palibot sa barangay.
