CAGAYAN DE ORO CITY, Philippines – Nangante si US President Donald Trump nga mupahamtang sa bug-at nga taripa sa mga kanasurang milangkob sa BRICS.
Nunot kini sa tinguha sa nagkahiusang nasud nga muhimong bag-ong salapi aron modominar sa global market ug mupukan sa US-Dolyares.
Sa iyang social media account, gipalanog ni Trump ang iyang pangante nga mupakang sa 100% nga taripa sa mga nasud nga naglangkob sa BRICS.
Ang BRICS, gilangkoban sa Brazil, Russia, India, China, ug South Africa. Lakip sa ilang state members ang nasud sa Iran, Egypt, Ethiopia, Indonesia, ug ang United Arab Emirates (UAE).
