Nagpagula sa lava ang Bulkang Mayon sugod sa adlaw sa Lunen Santos. Subay sa video nga napagawas sa Philippine Volcanology and Seismology (PHIVOLCS) nagsugod ang dyutay nga pagbuga sa lava sa alas 7:42 sa gabie, kagabie.
Misukod sa 250 metros ang napahungaw nga “incandescent fountains” samtang ang abo niini misaka usab hangtod sa 250 metros. Sa pagkutlo ning balita, nagpadayon gihapon ang effusive eruption sa bulkan sa ika-85 nga adlaw.
Subli, gi-abisohan sa lokal nga kagamhanan ang mga namuyo duol sa tiilan sa bulkan nga magmaigmat tungod kay wala pa malangkat ang giisa nga Alert Level 3 sa bulkan.
