CAGAYAN DE ORO CITY – Hustisya ang singgit sa usa ka dalaga human gilapwaan ang iyang lawas sa nagbukal nga tubig didto sa Zone Greenhills Brgy. Suarez Iligan City.
Base sa report, naila ang biktima nga si Ailenne Tejada, molopyo sa maong dapit.
Namahayag ang inahan sa biktima nga si Ginang Virginia nga mismo ang inahan sa lalaki nga pangasaw-on sa iyang anak ang misabya sa ininit nga tubig niadtong Agusto 27, ning tuiga.
Nakahi-agom sa grabeng pagkasunog ang panit sa duha ka kamot sa biktima.
Hinoon, gikasal na ang biktima sa iyang kapikas niadtong Setyembre 14, apan wala mitungha ang suspek sa krimen nga si Esperanza Bulahan Ruiz, iyang ugangan.
Una niini, gihimakak sa suspek ang nahimong krimen ug namugos nga gipatol ang biktima sa dihang nagtak-ang sa kan-on ug nayabo kini sa iyang kamot.
