CAGAYAN DE ORO CITY, Philippines – Gitudlo ni Presidente Ferdinand Marcos Jr., si Dante Francis Ang II isip chairperson sa Commission on Filipinos Overseas (CFO).
Gikompirmar ni Acting Communication Secretary Cesar Chavez ang appointment ni Ang.
Miingon si Chavez nga ang appointment papers sa bag-ong CFO gipirmahan ni President Marcos niadtong Oktobre 16, isip hulip kang CFO chairperson Romulo Arugay.
Niadto, si Ang misilbi una isip chairperson sa National Book Development Board, a board member sa Clark International Airport Corp.
Ilado si Ang sa sector sa prensa tungod kay siya man ang chirperson ug chief executive officer sa mantalaan nga The Manila Times.
Tahas sa CFO ang pagsilbing financial controller, nga moy muhawid sa tanan nga may kalabotan sa cash flow, material ug financial contributions gikan sa mga nanarbahong pinoy sa gawas sa nasud.
Kini nga pondo maoy gamiton sa pagmugna sa development projects alang sa mga kuminidad nga kulang ang serbisyo sa gobyerno.
