CAGAYAN DE ORO CITY – Generally peaceful ang pagtamod sa unang adlaw sa Semana Santa ning syudad.
Sa text message, gibutyag ni Lt. Col Mardi Hortillosa, tigpamaba sa Cagayan de Oro City Police Office (COCPO) nga walay mga dagkung krimen nga nahitabo ilabe na sa pagbendeta sa mga lukay sa nagkadaiyang simbahan sa syudad.
Una niini, partikular nga gitutukan sa kapulisan ang duha ka dagkung simbahan sa syudad, sama sa St Agustine Cathedral ug ang Nazareno Church.
Samtang, nagpadumdum si Bro. Cleb Calimutan, presidente sa Confraternity of the New Apologetics sa Archdiocese of Cagayan de Oro City, sa tanan naglangkob sa Kristohanong Katilingban nga puy-an ang kinabuhi sa pagbasol ug pagbuhat sa maayo lamang aron ikalipay sa Labaw nga Makagagahom.
Miingon si Calimutan nga ang pagbendita sa lukay usa ka timaan nga gibuksan nato ang akong kinabuhi alang kang Hesukristo.
