Bag-o lang giangkon ni DPWH Secretary Manuel Bonoan nga adunay mga ghost flood control projects nga nahitabo sa tuig 2021, ug wala makita sa aktwal nga lugar bisan pa sa report nga gi-implementar na kini. Kini nga mga proyekto kasagarang gilakip sa budget pinaagi sa mga “insertions” sa mga mambabalaod nga wala moagi sa teknikal nga “vetting”, ug wala usab klaro nga monitoring system ang DPWH sa maong mga proyekto. Giingon ni Bonoan nga kinahanglan pa nila i-validate kung tinuod ba nga ghost project ang usa ka item, apan kung wala makita sa field, ayha pa nila ideklarar nga kini “ghost project”.
Wawao Builders usa sa mga 15 ka kontraktor nga gi-report nga nakadawat og dako nga pondo gikan sa mga flood control projects sa DPWH, apan gi-question ang ilang mga proyekto tungod sa kakulang sa klarong detalye ug posibleng ghost projects.
Sumala sa audit nga gipahigayon sa administrasyon ni President Marcos Jr., ang 15 ka kontraktor (lakip ang Wawao Builders) nakadawat sa ₱100 bilyon—mga 20% sa total nga ₱545.64 bilyon nga gigahin para sa 9,885 flood control projects gikan sa July 2022 hangtud May 2025.
Sa tibuok nasud, base sa datos sa Sumbong sa Pangulo platform, adunay kapin sa 9,855 ka flood control projects nga gi-implementar sa DPWH gikan 2022 hangtod 2025, ug 64% niini walay klarong deskripsyon sa ilang aktwal nga trabaho. Ang total nga budget alang sa flood mitigation projects miabot sa ₱545 bilyon, ug daghan sa mga proyekto ang gi-report nga wala pa magsugod, tapos lang sa papel, o guba na bisan bag-o pa natukod.
