CAGAYAN DE ORO CITY – (update) Iduso na sa kapulisan ang kasong reckless imprudence resulting to damage to properties ug duha ka ihap sa physical injuries batok sa driver sa prime mover nga maoy hinungdan sa tolo ka oras nga road closure sa Zone 7 Upper Puerto, ning syudad, niadtong Biyernes sa gabie.
Giila ni Police Captain Ron Baba ang gisikop na driver nga si Jeramil Macas, 26 anyos, lumad nga taga Iligan City.
Samaron sa disgrasya sa dalan ang laing driver sa winged van truck nga si Alex Llana, taga Metro Manila ug ang iyang pahenante.
Base sa report, mibabag sa dalan ang prime mover truck nga gimaneho sa suspek tungod sa kadanlog sa dalan ug mibangga ang winged van nga pasubida sa crash site . Hisayran nga miabot sa tolo ka oras ang pagkabukog sa trapiko sa maong lugar.
