CAGAYAN DE ORO CITY, Philippines – Nagpadala’g sulat ang legal counsel ni kanhi Presidente Rodrigo Duterte sa House of Representative Quadrupole Committee nga dili siya makatambong sa ilusad nga hearing ning adlawa.
Sa miaging adlaw’ng Sabado, nagpadala sa sulat alang sa Notice of Joint Committee Hearing si House Committee on Dangerous Drugs Chairperson Robert Ace Barbers kang Duterte, apan, adlaw’ng Domingo na nadawat sa iyang kampo.
Kahinumduman nga sa wala pa ang imbitasyon sa House Quadrupole Committee unang namahayag si Duterte, via radio interview, sa iyang linawas nga pagtambong sa hearing.
Kagabie, gipadala ni Atty. Martin Delgra III, legal counsel ni Duterte ang pahibalo sa komite nga dili makatambong sa pagdungog ning adlawa, tungod kay dili maayo ang iyang kondisyon, ug gumikan sa kagamay sa higayon aron siya maka-preparar.
‘Rest assured of my client’s willingness to appear before the House of Representatives on some other available date, preferably after 01 November 2024,’ ingon ni Delgra.
Una niini, laraw ni Duterte nga mutambong sa Hearing pagkahuman Kalag-kalag.
