CAGAYAN DE ORO CITY – Gitangtang sa katungdanan ni President Rodrigo Duterte si Office of the Civil Defense Assistant Secretary Kristoffer James Purisima.
Miingon si Presidential spokesperson Harry Roque nga epekto kini sa pagkawala sa pagsalig ug kumpiyansa ni Duterte kang Purisima.
Wala pa’y dugang pahayag si Roque kon unsa ang basehan ni Duterte sa pagkawala sa kumpiyansa ug pagsalig niini kang Purisima.
Si Purisima ang pila usab ka tuig nga konektado sa gobierno ayha gitangtang ni Duterte sa katungdanan.
Aktibo usab kini ug may tahas nga giapilan sa Task Force Bangon Marawi diin gisangunan ni Duterte pagpatukod balik sa mga naguba sa Marawi City epekto sa lima ka bulan nga giyera sa tuig 2017.
