CAGAYAN DE ORO CITY, Philippines – Ipatuman sa Department of Agriculture (DA) ang “food security emergency” karon Enero 22.
Gikompirmar kini ni DA Secretary Francisco Tiu Laurel Jr.
Apan gitin-aw ni Laurel nga bisan sa maong deklarasyon wala mag-atubang ang Pilipinas sa kakulang sa bugas.
Gitin-aw sa kalihim nga gitumong ang “food security emergency” aron mapaubos pa ang naghinobra ka mahal nga presyo sa kada kilo sa bugas sa merkado.
Hisayran nga gihimo sa DA ang deklarasyon human gi-aprobahan sa National Price Coordinating Council ang ilang gipasa nga resolution aron babagan ang tag-as nga presyo sa bugas taliwala nga gipatuman na ubos-singil sa taripa sa mga imported nga bugas, segun sa mando ni Presidente Ferdinand Marcos Jr.
