CAGAYAN DE ORO CITY – Gikustodiya na sa Criminal Investigation and Detention Group (CIDG-10) ang usa ka ex-convict nga nabuhian pinaagi sa Good Conduct Time Allowance kon GCTA law.
Namahayag si Police Lt. Col. Surki Serenias, hepe sa Valencia City Police Station nga personal nga mitahan sa ilang buhatan ang si Larry Sawayan, 49 anyos, ulitawo ug residente sa P-10 Puerta, Brgy. Lurogan, Valencia City, Bukidnon, kuyog ni Brgy Lurogan Kagawad Nino Taboclaon.
Si Sawayan, gihukma’g guilty sa Regional Trial Court Branch 9 ug 10 sa kasong RAPE ug ARSON, didto sa Malaybalay City, Bukidnon.
Nakombikto ang exconvict sa iyang duha ka kaso niadtong Marso 22, 1991 ug na-priso sa Davao Penal Colony, sa Davao City.
