CAGAYAN DE ORO CITY – Duha ra ka oras nahuman ni Jhanniel Alvarado nga taga Zamboanga City ang alawitong “Vows”, diin kini tipik sa nakasulod sa 12 finalist sa National Bombo Music Festival.
Namahayag si Alvarado nga dali nilang nahuman ang kanta sulod sa ilang studio tungod kay na timing nga maayo ang ilang panghuna-huna ug miduyog ang kapalaran kanila sa pagmugna sa mga linya sa awit.
Alang kang Alvarado, ang alawitong “Vows” mao ang pagpadumdum sa tanan magtiayon nga puy-an ang ilang mga saad, bisan unsa pa kalisud ang ilang isagubang nga mga suliran.
