CAGAYAN DE ORO CITY, Philippines – Gitapok ni Russian President Vladimir Putin ang ilang security council.
Nunot kini sa pag-abante sa tropa ni Ukraine’s President Volodymyr Zelenskyy sa lokalidad sa Sudzha, sa Kursk region Russia.
Sukad kagahapong adlawa, miserkular na sa social media ang video nga nailog na sa Ukrainian Troops ang lokalidad kung asa nahimutang ang dakung pipeline gas depot rehiyon.
Gibana-bana nga sunod nga atake sa tropa ang pinakaduol nga nuclear plant nga nahimutang sa kasadpang bahin sa maong lugar.
Kagabie, oras dinhi sa Pilipinas, giprangkahan ni Putin si Kursk Region Acting Governor Alexei Smirnov sa ilang pagka-inutil kung nganong nalutsan sila sa mga kontra sa estado.
Midepensa ang gobernador sa pag-ingon nga unang nangatake sa sibilyan ang tropa sa Ukraine ayha miaginod sa ilang oil depot.
Milusad na sa forced evacuation ang mga residente nga namuyo sa Sudzha.
