CAGAYAN DE ORO CITY, Philippines – Malimitahan na ang paghatag lisensya sa mga gustong manag-iya sa mga armas ug kadtong mag-renew sa pagdala-dala sa armas sa Sweden.
Kini ang nagkahiusang sugyot nila Swedish Prime Minister Ulf Kristersson ug Justice Minister Gunnar Strommer.
Pag-amendar sa balaod sa pagdala sa armas ang tinguha sa duruha, human mahitabo ang linoog nga mass shooting sa sulod sa tunghaan sa Risbergska sa syudad sa Orebro nga gikamatay sa 11 ka tawo ug daghan ang angol.
Base sa police report, ang gun man nga si Rickard Andersson, 35 anyos, nasuta nga mi-agig tolo ka shooting session ayha nangatake sa tunghaan.
Lakip nga namatay ang suspek sa maong insidente. Dili pa ma-establishar sa mga otoridad ang matood nga motibo sa krimen.
Sa pikas bahin, girekomendar sa korte sa Sweden nga ipatuman sa selective ban batok paghatag lisensya sa mga tawong manag-iya sa otomatic rifle.
