CAGAYAN DE ORO CITY – Patay ang usa ka mag-uuma human gipusil sa tulo ka lalaki nga pulos naka-motor sa San Fernando, Bukidnon.
Giila sa San Fernando PNP ang biktima nga si Angelito Marivao, 49 anyos ug residente sa Brgy.Mabuhay, San Fernando.
Mi-ingon si Wilboy Lam-Uy nga nakita mismo sa mga anak sa biktima ang pagpusil sa ulo sa ilang amahan.
Dead on the spot ang biktima human gidul-it ang gamay nga pistola sa ulo niini.
Nagtoo si Lam-Uy nga hinimuan sa mga taga PNP ug AFP nga na-assign sa maong lugar ang pagpatay sa mga mag-uuma nga gitoohang sakop sa New Peoples Army.
Namugos si Lam-Uy nga mupatay ang mga pulis ug sundalo aron mutaas ang ilang ranggo.
