CAGAYAN DE ORO CITY – Namatay na ang Hospital Director sa Philippine Heart Center (PHC), sa milabay’ng adlaw.
Kini ang gikompirmar ni Dr. Joel Abanilla, executive Director sa PHC.
Namahayag si Director Abanilla nga namatay si Dr. Raul Jara tungod sa multiple complications sa sa iyang renyon o kidney ug cardiac arrest.
Gikompirmar usab ni Abanilla nga nagpositibo sa COVID-19 si Jara.
Una niini, upat na ka mga doktor ang namatay human matakbuyan sa corona virus samtang mi-atiman sa mga masakiton nga nagpositibo sa COVID-19.
Lakip sa unang mipanaw sila Cardiologist Israel Bactol sa Philippine Heart Center, anesthesiologist Gregorio Macasaet III sa Manila Doctors Hospital, ug si oncologist Rose Pulido sa San Juan de Dios Hospital.
