CAGAYAN DE ORO CITY – Paslak na sa prisohan ang usa ka in-active nga sakop sa Armed Forces of the Philippine human gibiyaan ug misibat sa dihang iyang giligsan ang usa ka motorista sa P-5 Brgy. Misom, Baliangao, Misamis Occidental, kagahapon.
Namahayag si Police Lt. Melvin Denore, hepe sa Baliangao Municipal Police Station nga nakadawat silag reklamo batok sa suspek nga si Herodeon Tatad, 65 anyos ug usa ka Inactive AFP Reservist nga nadistino sa Philippine Navy Reserve Command kon NAVRESCOM.
Malampusong nadakpan, ang suspek, karong hapon human sa pipila ka oras nga pagtagu-tago.
Gawas sa kasong “hit and run”, nadiskobrehan sab sa mga operatiba nga nagbaton sa ilegal nga armas ug mga ang senior citizen nga suspek sa pagcheck-up sa mga operatiba sa iyang nabungi nga sakyanan.
Sa adlaw’ng Lunes, patung-patong nga kaso ang ipasaka batok sa suspek.
