Pormal nang nagpasaka sa kasong kriminal sa Quezon City Prosecutors Office, si Atty. Manases Reyes Carpio, kapikas ni Vice President Sara Duterte, batok sa mga opisyal sa Bangko Sentral ng Pilipinas (BSP), Anti-Money Laundering Council (AMLC), ug pipila ka mga representante sa House of Representatives.
Partikular nga gikasuhan sila BSP Governor Eli Remolona Jr., AMLC Executive Director Ronel Buenaventura, ug mga miyembro sa House Justice Committee nga sila Reps. Gerville Luistro, Percival Cendaña, Chel Diokno, ug Leila De Lima.
Kauban ni Carpio sa pag-file sa reklamo ang iyang abogado nga si Atty. Peter Paul Danao.
Hisayran nga unang nakadawat sa pagsaway ang komitiba ni Luistro tungod sa paglapas sa bank secrecy law lakip na ang epekto sa relasyon sa mga institusyon sa pinansyal ug sa Kongreso.
