CAGAYAN DE ORO CITY – Kapin mil-500 ang ihap sa mga regular members sa New Peoples Army (NPA), Militia ng Bayan (MB) ug Sangay ng Partido sa Lokalidad (SPL) ang mitahan sa 4th Infantry Diamond Division sa tuig 2019.
Sa pakighinabi sa Bombo Radyo kang Major Regie Go, spokesperson sa 4ID, iyang gibutyag nga anaa sa 467 ang inisyal nga ihap sa regular NPA nga mitahan sa ilang nagkadaiyang army battalions sa CARAGA ug Northern Mindanao Region.
Misaka sab sa 948 ang ihap sa mga MBs ang misurrender bitbit ang ilang mga armas, samtang anaa sa 183 ang mitahan sa mga sakop sa SPL. Hisayran nga ning tuiga, mi-abot sa 4mil 370 ka mga sympathizer o underground local mass organization ang mibalik sa sabakan sa gobyerno.
Miingon si Major Go nga usa sa mga hinungdan niini mao ang epektibong pagpatuman sa localized peace talks ubos sa Executive Order no. 70 kon mas naila isip “whole of nation approach in addressing communist insurgency”.
