CAGAYAN DE ORO CITY – Misaka pa sa 6,548 ang kaso sa dengue sa probinsya sa Bukidnon.
Nabalaka si Dr. Ricardo Reyes, provincial health officer kon PHO-Bukidnon nga posibleng musaka pa ang ihap sa magsakit human gideklarar sa Department of Health ang tibook Pilipinas ubos sa “national epidemic”.
Base sa data, gibutyag ni Dr. Reyes nga ubos pa ang kapin 6,000 nga ihap itande sa 7,571 nga nataptan sa tuig 2018.
Nag-una ang syudad sa Valencia sa dunay pinakadaghang “documented” nga kaso sa dengue. Duna sab pagtaas sa kaso sa dengue sa Manolo Fortich, ug mga hinterland areas sa Kitaotao, Don Carlos, Sumilao, Pangantucan ug Malitbog.
