CAGAYAN DE ORO CITY – Misaka pa sa 84 ka tawo ang namatay tungod sa sakit nga dengue sa Northern Mindanao, subay sa data sa Department of Health Region 10.
Sa press conference nga gihimo sa DoH-10, gibutyag ni Dr. David Mendoza nga kasamtangang nagbaton sa 21-mil 457 ka kaso ang rehiyon kundiin, taas kini sa 64.38% itande sa 13mil 53 ka kaso sa Enero hangtud Setyembre nga period sa tuig 2018.
Hinoon, gitin-aw ni Mendoza nga sulod sa ika 31 hangtud 37 nga semana nga monitoring, halos doble ang paghagba sa ihap sa mga kaso sa tibook Rehiyon, diin nagpabiling nag-una sa may labing taas nga kaso ang Bukidnon 8,077.
Musunod niini ang 3,579 sa Misamis Oriental, 3,002 sa Lanao del Norte, 2,776 sa Cagayan de Oro, Iligan City 1540 ug sa Camiguin, 371 ka kaso.
Gumikan niini, padayong nanawagan ang buhatan sa panglawas nga tumanon ang 5’S.
