CAGAYAN DE ORO CITY – Gipanawagan ni 2nd District of Cagayan de Oro Representative Rufus Rodriguez ang mga magbabalaod sa kamarabaha ug senado nga kasuhan ug itaral sa hukmanan si Bureau of Corrections Chief Nicanor Faeldon.
Gibutyag ni Cong. Rodriguez nga kulang ra ang pagluwat sa puwesto sa bug-at nga sala nga nahimo ni Faeldon sukad pa kini nga nabutang isip komisyuner sa Bureau of Customs.
Nagtoo ang magbabalaod nga dakung kalapasan ang nahimo ni Faeldon ilabe na nga mipatim-aw ang iyang pirma sa release order ni convicted rapist ug murderer nga si kanhi Calauan Mayor Antonia Sanchez.
Kung mahinumduman, nalagpot sa BuCor si Faeldon human malambigit sa kontrobersyal nga TARA system sa BoC.
