Pictures from Puerto Police Station
CAGAYAN DE ORO CITY – Dead on the spot ang duha ka tawo nga sakay sa motorsiklo diha sa Sayre Highway,Purok 7,Brgy Upper Puerto ning syudad.
Kini human bangga-i sa mga biktima nga si Joel Sadlucap,33 anyos,minyo nga taga-Brgy Mambatangan,Manolo Fortich, Bukidnon ug Hermer Clavejo,35 anyos nga taga-Brgy Balubal ang naka-parking lamang nga prime mover truck.
Giila usab ang truck driver nga si Joaquin Alcala,50 anyos,ulitawo nga taga-Brgy Dansolihon sa syudad.
Miingon si Police Sr Master Sgt Ryan Sevilleno sa Puerto Police Station nga gibanggaan sa mga biktima ang truck kilid sa highway hinungdan sa grabeng bun-og ug samad nga mi-resulta sa ilang mga kamatayon.
Gidali pa pagdala sa ospita ang mga biktima apan pakyas nang maluwas ug gipahimutang sa puneraya samtang si Alcala ang gikustodiya na sa kapolisan ning syudad.
