CAGAYAN DE ORO CITY – Gibulgar ni Misamis Oriental 2nd District Congresswoman Juliet Uy nga migasto ang kompanyang Maersk Shipping Lines sa P27-Milyon aron ibalik ang mga hazardous waste sa nasud sa South Korea.
Gihimo ni Congressman Uy ang pamahayag sa mismong turnover ceremony sa re-exportation sa mga basura nga iya sa Verde Soko Philippines Industrial Incorporated didto sa pantalan sa Tagoloan, Misamis Oriental.
Una niini, gipabati ni Uy nga daghang mga magbabalaod ang misuporta sa iyang sugyot nga i-ban ang maong shipping lines sa pagnegosyo sa nasud kung dili nila ibalik sa langyaw’ng nasud ang mga basura sa nagpailang plastic waste recycling company.
Hisayran nga mismo ang magbabalaod ang miingon nga usa ka “fake recycling plant” ang Verde Soko human kini nakigkontrata sa Phividec Industrial Authority.
