CAGAYAN DE ORO CITY – Dakpan ang mag-amahan nga nalambigit sa kasong pagpanglugos sa Gitagum, Misamis Oriental didto sa Bukidnon.
Pinaagi sa joint operation sa Maramag-Gitagum Police Stations, unang nadakpan si Noel Tañeca, 52 anyos, minyo ug gitumbok nga top 5 most wanted person municipal level sa Misamis Oriental.
Nadakpan usab ang iyang anak nga si Robert, 33 anyos nga dunay kasong 2-counts of rape, kinsa Top-1 sa most wanted person sa municipal level ning lalawigan.
Napriso na ang mag-amahang Tañeca samtang gihulat ang pagtugyan kanila sa korte.
“Walay piyansa nga girekomendar si Presideng Judge Dennis Alcantar sa RTC Branch 44 sa Initao batok sa mga suspek”, ang pahayag ni Police Capt Ron Maba, hepe sa Gitagum Municipal Police Station.
Hisayran nga muabot na sa 15 ka tuig nga nagtagu-tago ang duha ka nadakpan.
