CAGAYAN DE ORO CITY, Philippines – Misangpot sa kagubot ang daan-nang tensyonado nga pagdungog sa pagkahugno sa atop sa istasyon sa tren sa Novi Sad railway, nga nahitabo niadtong Nobyembre 1, ning tuiga.
Sa maong trahedya, kinse ka tawo ang namatay, human maipit ug nadugmok ang ilang lawas sa debris sa nahugno nga canopy.
Nasugdan ang tensyon dihang gipagawas sa mga opposition law makers ang ilang mga banners, agig protesta ug pagkondinar sa katukuran sa huyang nga istruktura.
Milanog ang mga pamalikas, tinukluda, ug nagsinumbagay ang pro-government ug anit-law makers sa ilang National Assembly, human gikastigo Democratic Ruling Party ang pagtawag kanila’g mga kawatan ug kurakot.
Gikondinar ni Serbian President Aleksandar Vucic ang hitabo.
Pinaagi sa iyang instagram account miingon ang presidente nga “this is a savage behaviour of members of the National Assembly”.
“Today they tried to prevent pensioners from receiving their increased pensions and employees in the public sector from their increased salaries. They won’t get away with it. Serbia will not stop,” Vucic wrote.
Upat ka tawo ang nasikop sa hitabo. Kini gilangkoban sa kanhi Construction, Transport and Infrastructure Minister Goran Vesic, kinsa nasentensyahan sa 30 dias nga pagkostodiya sa ilang hawanan.
Arestado usab ang assistant ni Vesic nga si kanhi assistant in charge of railway and freight transport, Anita Dimoski, kuyog sa acting director sa Serbian railways’ infrastructure, Jelena Tanaskovic ug ang iyang nasundan sa posisyon nga si Nebojsa Surlan.
