Gihupay ni Presidente Ferdinand Marcos Jr. ang kabalaka sa publiko bahin sa pagnihit sa suplay sa lana sa Pilipinas. Sa iyang bag-ong pahayag, mipasalig si Marcos nga igo pa ang krudo nga magamit sa nasud hangtod sa Hunyo 30. Namugos ang presidente nga igo pa kini nga suplay sa inadlaw-adlaw nga panginahanglan sa transport sektor, enerhiya ug mga patigayon. Gisaad usab sa presidente nga maghugot-bakus ang gobyerno sa pagdaginot sa enerhiya samtang padayon nga magmonitor sa kalihokan sa internasyonal nga merkado sa lana aron malikayan ang kakulang sa suplay. Subli, mi-abiso ang presidente sa publiko nga nakigkoordinar na ang gobyerno sa ubang mga nasud isip alternatibong importers sa lana aron mapalig-on ang imbentaryo ug reserba sa produktong petrolyo.
