CAGAYAN DE ORO CITY, Philippines – Nag-ginaksanay si Ukraine’s President Volodymyr Zelenskyy ug India’s Prime Minister Narendra Modi sa ilang unang higayon nga panagkita sa Kiev City, Ukraine.
Gipabati sa primo ministro ang iyang pagkondinar sa pag-atake sa Russian Forces sa hospital sa mga bata sa Kiev.
Daku ang gibating kalipay ni Zelenskyy ilabe na nga iladong managhigala si Modi ug Russian President Vladimir Putin.
Lakip sa gibisita ni Modi ang monumento sa ihap sa mga tawong namatay tungod sa pag-atake sa mga Ruso, lakip na ang pagduaw sa mga batang samdan epekto sa kapin duha ka tuig nga giyera.
Masaligon ang presidente sa Ukraine nga sa hinay-hinay mahupay na ang gubat nga gisugdan ni Putin ilabe na nga ang iyang mga kaalyado, mihatag na sa ilang simpatiya sa Kiev.
Una niini, gipalanog ni Modi ang iyang tinguha nga magbaton sa ceasefire ang gubat tali sa Ukraine ug Russia.
