CAGAYAN DE ORO CITY – Milusad sa clearing operation ang 58th Infantry Battalion sa Mt. Balatukan, utlanan sa Gingoog City ug Claveria Misamis Oriental.
Namahayag si Captain Leoden Bajado, civil military operations officer (CMO) nga usa ka guirella fighter sa NPA ang ilang nadakpan human sa 30 minutos nga binayluay sa buhing bala.
Nagtoo ang militar nga daghang samaron sa rebelde.
Walay samaron sa kampo sa CAFGU ug miyembro sa 58IB.
Gibana-bana nga muabot sa 80 ka mga NPA fighters ang na engkwentro sa militar.
Unang mi-angkon ang militar nga mismo ang mga residente sa tiilang bahin sa Mt. Balatucan ang naghatag kanila sa impormasyon sa mga armadong tawo nga misaka sa lasang.
Usa ka M-16 rifle ang nakompiskar sa nadakpan ug mga subersibong dokumento.
