CAGAYAN DE ORO CITY – Patay ang usa ka gituohang squad leader sa rebeldeng New Peoples Army sa engkwentro nga nahitabo tali sa tropa sa 88 Infantry Battalion sa Barangay Mandahican, Cabanglasan Bukidnon.
Segun sa report ni Lieutenant Col. Franklin Fabic, Commanding Officer sa 88IB nga nagpadala siyag tropa sa encounter site human dunay mga impormante nga nag-report sa mga nagbaras-baras nga mga sakop sa NPA sa maong barangay.
Gibana-bana nga muabot sa 15 ka mga NPA fighters ang nakigharong sa puwersa sa gobyerno sulod sa 10 ka minuto.
Lakip sa nabiyaan sa clash site ang gitudlong squad leader nga si alyas “Daligas”, sa Guerrilla Front Malayag.
Mismo si Major General Andres Centino, commander sa 4th ID ang miingon nga extortion ang tumong sa pundok sa NPA nga misulod sa Brgy. Mandahican.
