CAGAYAN DE ORO CITY– Gipaningkamutan sa Regional Drug Enforcement Unit o RDEU-10 ang mapasaka sa korte ang kasong illegal drug selling batok sa usa ka notoryos pusher sulod sa mga gagmay inn ning syudad.
Gibutyag ni Police Regional Office 10 spokesperson Police Lt. Col Mardi Hortillosa nga akto nga nasapon ang suspek nga mihimog negosasyon sa police buyer sulod sa Catalina Inn nga nahimutang sa Pabayo, JR-Borja Sts ning syudad.
Giila ni Hortillosa ang suspek nga si Mikel Makapaser Andamon, 24, walay trabaho ug dugay nang nagpuyo sa Dabatian St. Brgy. Carmen.
Namahayag ang opisyal nga usa ka tuig gisurveillance ang maong suspek sa RDEU ug malampuson nilang nasanta ang balot P700,000 nga street value sa shabu.
Gidala na sa regional crime laboratory ang 105 gramo nga gituoohang shabu. Kasong illegal drug selling ang gipasaka batok sa suspek nga nagtingkagol karon sa Maharlika Dentention Cell.
