CAGAYAN DE ORO CITY – Giimbestigaran na sa 4th Mechanized Battalion human madisgrasya ang usa ka army truck sa Iligan City.
Namahayag si Western Mindanao Command Spokesperson Major Arvin Encinas nga gipanguluhan ni Lieutenant Colonel Domingo Dulay Jr., commander sa 4th Mechanized Infantry Battalion ang imbestigasyon kung unsa ang hinungdan sa pagkamatay sa usa sa ilang sundalo ug laing 13 ang angol human sa disgrasya.
Base sa report, nakasinati sa internal hemorrhage secondary to blunt force trauma sa tiyan ang sundalo nga si Leandro Gabriel de Asis.
Kahinumduman nga gawas sa mga sakop sa Philippine Army duna pay lima ka sakop sa Citizen Armed Force Geographical Unit (CAFGU) ang samaron sa pagkahulog sa army truck sa pangpang sa Barangay Lanipao, sa Iligan.
