CAGAYAN DE ORO CITY, Philippines – Seryoso ang kampanya ug sugyot ni British Prime Minister Sir Keir Starmer nga idili na ang pagpanigarilyo sa ilang pampublikong pasilidad sama sa sports bar, night pubs ug pampublikong lugar sama sa mga parke.
Namugos ang primo ministro nga gikonsiderar sa mga magbabalaod nga dakung palas-anon alang sa UK National Health Service ang paggasto sa salapi aron gamiton sa pagpanambal sa mga nagmasakiton nga mga chainsmokers, lakip na ang mga tawong nagsakit tungod sa secondhand smoke.
Gihimong pananglitan ni Starmer ang pagtuon sa NHS nga muabot sa 80,000 ka tawo sa ilang nasud ang makalas matag tuig tungod sa dautang epekto sa pagpanigarilyo. Laraw ipatuman ang smoking ban sa tibook England, Welsh, ug UK.
Hinoon, gitin-aw ni Starmer nga kinahanglan pa himoan sa balaod sa Scotland ug Northern Ireland ang maong sugyot.
