CAGAYAN DE ORO CITY – Gi-angkon ni 403rd Commanding Officer, Brig.Gen Edgardo de Leon nga walay kapas ang kasundaluan nga pugngan ang pag rally sa mga gitumbok nga Legal Fronts sa New Peoples Army.
Nagtoo si General de Leon nga legal nga katungog sa mga leftist group nga mulusad sa demonstrasyon, apan, kinahanglan mahatagan silag permiso gikan sa LGU (Local Government Unit) sama sa pagkuha sa permit to rally.
Gitin-aw ni De Leon nga ang mga miyembro sa leftist groups biktima lang sa mga infiltrators sa grupong communista.
Una niini, gitumbok ni alyas Lalaine ug alyas Diane, mga rebel returnee, ang mga grupong Anak Bayan, Bayan Muna, League of Filipino Students, Gabriela ug daghan pang uban isip legal fronts sa NPA.
