CAGAYAN DE ORO CITY – Gihatagan sa police escorts sa Lanao del Sur Police Provincial Office ang pamilya sa gipatay nga pulis nga si Corporal Samel Banuelos.
Kini human gisulod ug gipatay sa wala mailang mga suspek si Samuel ug kaubang sibilyan Junjun Sanchez ang ilang balay sa Iligan City sa miaging gabii.
Namahayag si Police Col Madzghani Mukaraam,provincial director sa Lanao del Sur PNP nga mibatig kahadlok ug trauma ang pamilya sa ilang sakop nga pulis human gipalugwa sa imbestigador sa Iligan Police Station 1 nga anaa sa drug watchlist si Banuelos.
Gihagit ni Mukaraam ang Lanao de Norte Provincial Police Office nga ipalugwa ang igong ebidensya batok sa ilang sakop kay naila nila ang napatay nga pulis nga labing aktibo sa paglakag sa mga kriminal sa Saguiaran Municipal Police Station.
